Actualitads dalla vischnaunca da Breil |
  Elecziuns communalas dils 13 da matg 2012 |
|
|
|
| Fiasta 1. d'uost 2012 a Breil |
|
Per embellir la fiasta da natalezi da nossa patria envida il comité d'organisaziun affons, giuvenils sco era auters artists, cha han tschaffen da sepresentar al publicum da fiasta.
Sin la pagina da casa da www.schneesportschule.ch (actualitads) sas Ti s'annunziar per ina producziun.
Las producziuns han liug naven dallas 17.00 uras. A disposiziun stat ina tribuna cun ca. 30 m2 sco era microfons, moniturs ed in indrez d'aultplidader modern. Il temps per ina producziun ei limitaus sin ca. 7 minutas.
Il comité d'organisaziun selegra sin Ti'annunzia!
Fiasta 1. d'uost 20121.pdf
|
|
|
|
| Project scaldament da stialas Breil |
|
En connex cun il project per la realisaziun d’in vitg da vacanzas a Davos Tuor/Carlogns, Breil-vitg, ha la vischnaunca schau elaborar ina studia, la quala illustrescha la furniziun da calira cun agid d’ina pegna da stialas centrala. Tal indrez duei vegnir realisaus el contuorn dil baghetg forestal communal a Bostg e furnir calira al ressort da vacanzas sco era, en cass che l’interessenza ei avon maun (ed il project ei economicamein interessants), a proprietaris da casa privats a Breil-vitg. Per sclarir in eventual diever privat sa vegnir inoltrau il sequent formular all’administraziun communala. Per eventualas damondas stein secapescha bugen a Vossa disposiziun.
Questiunari pégna da stialas.pdf
|
|
|
|
| Possessurs da tgauns - Cuors obligatori |
|
Tenor la nova lescha davart la protecziun d’animals ei mintga possessur da tgauns che ha cumprau in tgaun suenter igl 01. da settember 2008 obligaus d’absolver ils cuors obligatoris.
Cuors teoretic:
Tgi che ha aunc mai possediu in tgaun ei obligaus d’absolver il cuors teoretic avon che cumprar in tgaun.
Cuors pratic:
Cun la cumpra da mintga tgaun, era sch’ins era resp. ei gia en possess d’in tgaun, sto vegnir absolviu il cuors pratic enteifer igl emprem onn da cumpra.
Per saver retrer la proxima marca da tgauns sto igl attest dil cuors vegnir presentaus alla canzlia communala.
Per ulteriuras informaziuns stein nus secapescha bugen a disposiziun.
dapli informaziuns
|
|
|
|
| Barschar rumians d'uaul, da funs e da curtgin |
|
La suprastonza communala fa attenta ch’il barschar rumians verds el liber ei sin fundament dall’ordinaziun federala per mantener l’aria schubra (OAP) en general scumandau e sulettamein pusseivel cun risguardar fetg restrictivas premissas! En tal connex supplichein nus da prender enconuschientscha dil fegl d’informaziun digl uffeci per la natira ed igl ambient dil cantun Grischun, il qual sa vegnir retratgs sin canzlia communala ni ch’ei era publicaus cheusuenter.
La suprastonza supplichescha vischinas e vischins da setener vid las prescripziuns vertentas e fa attenta ch’ils cuosts en cass d’in eventual incendi vegnan cumpleinamein adossai al caschunader.
Per damondas ed ulteriur sclariment stat l’administraziun communala secapescha bugen a Vossa disposiziun.
Fegl d'informaziun ANU.pdf
|
|
|
|
| Pass 2010 (pass biometric) |
|
Naven digl 01. da mars 2010 vegn mo pli il niev pass 2010 tschentaus ora. Tier in’empustaziun d’in pass 2010 ni d’in pass 2010 en cumbinaziun cun ina nova carta d’identitad ston ins s’annunziar per telefon ni internet directamein tier igl uffeci responsabel a Cuera. Ei drova negina fotografia. Ei sto vegnir presentau il pass vegl e la carta d’identitad veglia sco era in assegn da domicil valeivel, il qual sa vegnir retratgs sin canzlia communala.
Uffeci da fatgs da polizia e da dretg civil dil Grischun
Via Gäuggeli 7
7002 Cuera
gl – gi: 08:00 – 12:00 e 13:30 – 17:00 uras
ve: 08:00 – 16:00 uras
tel. 081 257 52 20
Novas cartas d’identitad (buc en cumbinaziun cul pass) san vegnir empustadas vinavon en canzlia communala duront las uras da spurtegl cun purtar ina fotografia e la carta d’identitad veglia.
Per eventualas damondas stein nus secapescha bugen a Vossa disposiziun.
dapli informaziuns
|
|
|
|
| Carta dil di |
|
Cun la "Flexi card" saveis Vus viagiar cun quasi tut ils mieds da traffic publics en Svizra (tren, auto da posta, tram, bastiment, etc.). Il prezi munta a frs. 40.--.
Empustaziuns e reservaziuns vegnan pridas encunter per internet (www.breil.ch), per telefon (081 941 11 55) ni era al spurtegl dalla canzlia. Las empustaziuns dallas cartas ein definitivas! Cartas dil di empustadas san buca vegnir returnadas e ston vegnir pagadas. Per tarmetter la carta cun posta vegn quintau las spesas.
Per damondas ed ulteriuras informaziuns stein nus naturalmein bugen a Vossa disposiziun.
dapli informaziuns
|
|
|
|
| Occupaziun militara 2012 |
|
Duront ils sequents temps ei planisau d'occupar il camp militar a Tschuppina, Breil:
09.01.2012 - 03.02.2012
27.02.2012 - 23.03.2012
06.08.2012 - 31.08.2012
|
|
|
|
